Ministrat e mbrojtjes të NATO-s do të shqyrtojnë mënyra për të rritur aftësinë e aleancës për t`u mbrojtur kundër shkeljeve të hapësirës ajrore nga Rusia dhe për të forcuar mbështetjen për Ukrainën.

Në takimin i cili vjen pasi një studim tregoi se ndihma ushtarake perëndimore për Ukrainën ra me 43% në korrik dhe gusht krahasuar me gjysmën e parë të vitit.

Shefi i NATO-s, Mark Rutte, thotë se aleanca po punon me BE-në për të krijuar një “mur kundër dronëve”.

Ndërsa Sekretari Amerikan i Mbrojtjes, Pete Hegseth, e paralajmëroi Moskën se Uashingtoni dhe aleatët e saj ishin të gatshëm t’i “impononin kosto Rusisë për agresionin e saj të vazhdueshëm” nëse lufta në Ukrainë nuk mbaron.

“Nëse duhet ta ndërmarrim këtë hap, Departamenti Amerikan i Luftës është i gatshëm të bëjë pjesën e vet në mënyra që vetëm Shtetet e Bashkuara mund ta bëjnë”, ka deklaruar Hegseth në një takim të Grupit të Kontaktit për Mbrojtjen e Ukrainës në selinë e NATO-s, një koalicion prej mbi 50 vendesh i përqendruar në përmirësimin e dërgimit të pajisjeve ushtarake në Ukrainë.

Ministrat e mbrojtjes së NATO-s po takohen për të shqyrtuar mënyrat për të rritur aftësinë e aleancës për t’u mbrojtur kundër shkeljeve të hapësirës ajrore nga Rusia dhe për të forcuar mbështetjen për Ukrainën.

Ndërkohë, Sekretari Amerikan i Thesarit, Scott Bessent, tha në një konferencë për media se SHBA-të ishin të gatshme të vendosnin tarifa ndaj Kinës për blerjen e naftës ruse, por vetëm nëse aleatët evropianë ishin të gatshëm të merrnin pjesë në një masë të tillë./rtk